ვიტამინები და მინერალები: რომელი სჭირდება შენს სხეულს
Search

ვიტამინები და მინერალები: რომელი სჭირდება შენს სხეულს


ვიტამინი A

ვიტამინი A სტაფილოდან მიიღეს. ის მონაწილეობს: ჟანგვა-აღდგენის, ცილის სინთეზისა და ნივთიერებათა ცვლის პროცესებში, ძვლისა და კბილის ფორმირებაში, ახალი უჯრედების განვითარებასა და იმუნური სისტემის ფუნქციონირებაში და გვეხმარება სიბნელეში უკეთესად რომ დავინახოთ.

მიირთვი მწვანე და ყვითელი ბოსტნეული, პარკოსნები, ატამი, გარგარი, ვაშლი, ყურძენი, საზამთრო, ნესვი, ასკილი, ქაცვი, ბალი. ასევე თევზის ქონი, საქონლის ღვიძლი, ხიზილალა, რძე, კარაქი, მარგარინი, არაჟანი, ხაჭო, ყველი, კვერცხის გული.

ვიტამინი B1 (ტიამინი)

ეხმარება ორგანიზმს საკვების ენერგიად გარდაქმნაში. ტიამინი ააქტიურებს ტვინის შემეცნებით ფუნქციებს, კარგად მოქმედებს სწავლის უნარზე, საჭმლის მომნელებელ ტრაქტზე, კუნთების ტონუსზე. იგი ორგანიზმს იცავს ალკოჰოლისა და ნიკოტინის მავნე გავლენისგან და დაბერებისგან.

მიირთვი ბურღულეული, სატაცური, ბროკოლი, ბრიუსელის კომბოსტო, ბარდა, კაკალი, ფორთოხალი, ქიშმიში, ქლიავი, შავი ქლიავი, ასკილი, კენკრა. ასევე ღორის, საქონლის ხორცი.


ვიტამინი B2 (რიბოფლავინი)

აუმჯობესებს მხედველობას, აქვეითებს თვალის დაღლას და დიდ როლს თამაშობს კატარაქტის თავიდან აცილებაში. ორგანიზმში აძლიერებს ნივთიერებათა ცვლას, მონაწილეობს ცილების, ცხიმებისა და ნახშირწყლების მეტაბოლიზმში. აუცილებელია სისხლში წითელი ბურთულებისა და ანტისხეულების წარმოქმნისათვის. მისი დახმარებით იოლი ხდება ჟანგბადის ათვისება კანის, ფრჩხილებისა და თმების უჯრედებით.

წყარო: საფუარი, მწვანე ფოთლოვანი ბოსტნეული, ბურღულეული (წიწიბურა, შვრია), მწვანე ბარდა, ხორბალი, პური. ღვიძლი, თირკმელები, ხორცი, თევზი, ყველი, რძე, იოგურტი, ხაჭო, კვერცხის გული.


ვიტამინი B3 (ნიაცინი)

აუცილებელია ნახშირწყლების და ცხიმებიდან ენერგიის გამოსაყოფად, ცილების ცვლისთვის. შედის ფერმენტების შემადგენლობაში, უზრუნველყობს უჯრედის სუნთქვას. ნიაცინი არეგულირებს კუჭის და კუჭქვეშა ჯირკვლის მოქმედებას.

დადებითად მოქმედებს ნერვულ და გულსისხლძარღვთა სისტემებზე. ინარჩუნებს კანის, ნაწლავის ლორწოვანი გარსის და პირის ღრუს ჯანმრთელობას. უზრუნველყოფს ნორმალურ მხედველობას, აუმჯობესებს სისხლის მიმოქცევას და არეგულირებს მაღალ წნევას.

წყარო: რძე, კვერცხი, ქათმის ხორცი, ცხვრის ხორცი, თევზი, ავოკადო, პომიდორი, ბროკოლი, კარგი კარტოფილი, ბროკოლი, სოკო.


ვიტამინი B6

მონაწილეობს ორგანიზმში 100ზე მეტ რეაქციაში. მნიშვნელოვანია ნივთიერებათა ცვლის, ცენტრალური და პერიფერიული ნერვული სისტემის ნორმალური ფუნქციონირებისათვის, აქტიურად მონაწილეობს ნეირომედიატორების სინთეზში, დაბლა სწევს სისხლში ქოლესტერინისა და ლიპიდების დონეს, აუმჯობესებს მიოკარდის კუმშვას.

წყარო: ხორცი, ბანანი, ბოსტნეული, თხილი.


ვიტამინი B12

აუცილებელია დნმ-ის სინთეზისა და ჯანმრთელი ნერვული სისტემისათვის. აგრეთვე მონაწილეობს სისხლის წითელი უჯრედების–ერითროციტების ფორმირებაში, რომლებიც ქსოვილებისთვის ჟანგბადის მიწოდებას უზრუველყოფენ.

წყარო: თევზი, ხორცი, კვერცხი, რძე, სოიოს პროდუქტები.


ვიტამინი C

ძლიერი ანტიოქსიდანტია. იგი არეგულირებს სისხლის შედედებას, აწესრიგებს კაპილარების გამტარობას, მონაწილეობს სისხლწარმოქმნაში, მოქმედებს ანთებისა და ალერგიის წინააღმდეგ, აწესრიგებს სტრესის შედაგად გამოწვეულ პრობლემებს, აძლიერებს აღდგენით პროცესებს, ზრდის ინფექციების მიმართ მდგრადობას. ვიტამინი C აუმჯობესებს კალცისა და რკინის ათვისებას და ორგანიზმიდან გამოჰყავს ტოქსიკური სპილენძი, ტყვია და ვერცხლისწყალი.

წყარო: ციტრუსები, მწვანე ფოთლოვანი ბოსტნეული, ნესვი, ბროკილის, ბრიუსელისა და თავხვია კომბოსტო, შავი მოცხარი, ბულგარული წიწაკა, მარწყვი, პომიდორი, ვაშლი, გარგარი, ატამი, ხურმა, ქაცვი, ასკილი, კარტოფილი ,,მუნდირში’’


კალციუმი

აუცილებელია ძვალ-კუნთოვანი სისტემის ზრდისთვის, კალციუმი ასევე არეგულირებს და კრიტიკულია კუნთების ქსოვილის შეკუმშვისა და დასვენებისთვის, რაც ძალიან მნიშვნელოვანი ფუნქციაა სისტემატიური ვარჯიშის შემთხვევაში. გარდა ამისა, მას შეუძლია დაეხმაროს სხეულის ცხიმის წვას, წონაში კლებას, თერმოგენესის ხელშეწყობით და შეამციროს დიეტური ცხიმის შთანთქვა.

წყარო: რძის პროდუქტები, ისპანახი, კომბოსტო, ბოლოკი, ნიგოზი, ძროხის ღვიძლი, ზღვის პროდუქტები. ყავა და ალკოჰოლი ხელს უშლის კალციუმის ათვისებას.


ქრომი

ქრომი მნიშვნელოვან ბიოლოგიურ როლს თამაშობს ორგანიზმში გლუკოზის ცვლაზე და ხელს უწყობს ინსულინის ეფექტის გაძლიერებას.

წყარო: ბროკოლი, ნიორი,

დიოსკერია ნიპონური.


ვიტამინი D

შეიძლება წარმოიქმნეს ადამიანის კანში, მაგრამ მხოლოდ მზის სხივების ან ულტრაიისფერი (კვარცული) დამასხივებლის მეშვეობით. ხელს უწყობს ნაწლავებში კალციუმის, რკინის, მაგნიუმის, ფოსფატისადა თუთიის შეწოვას. D ვიტამინს დიდი რაოდენობით შეიცავს კვერცხის ყვითრი, საქონლის ღვიძლი და კარაქი.


ვიტამინი E

საუკეთესო ანტიოქსიდანტი. იცავს უჯრედს დაზიანებისგან გამოწვეული სიგარეტით, ჰაერის დაბინძურებით, მზის სხივებით და აშ. წყარო: ლობიო, მზესუმზირა, მწვანე ბოსტნეული, ავოკადო, ნიგოზი.

ფოლიუმის მჟავა

აუცილებელია სისხლწარმოქმნისა და ნერვული სისტემისათვის. ფოლიუმის მჟავა პასუხისმგებელია ორგანიზმში უჯრედულ დონეზე მიმდინარე უმნიშვნელოვანეს პროცესებზე, როგორებიცაა დნმ-ის სინთეზი, უჯრედების დაყოფა და ზრდა, ერითროციტების წარმოება.

ორსულებში ფოლიუმის მჟავას დეფიციტი განაპირობებს ნაყოფის თავისა და ზურგის ტვინის განვითარების მანკების წარმოშობას.

წყარო: ღვიძლი, თირკმელი, ხაჭო, ყველი, ხიზილალა და კვერცხის გული. ასევე უხვად შეიცავენ პარკოსნები, სალათა, ისპანახი, მწვანე ხახვი, მწვანე ბარდა, ლობიო, სოია, ჭარხალი, სტაფილო, ტომატი, წიწიბურასა და შვრიის ბურღული, ცეხვილი ფქვილისგან გამომცხვარიპური, ფეტვი, საფუარი.


ვიტამინი K

სისხლის შედედების პროცესის აუცილებელი მონაწილეა. საკვებში მისი შემცირების შემთხვევაში ქვეითდება სისხლის შედედების უნარი. ამ ვიტამინით მდიდარია თეთრთავიანი და ყვავილოვანი კომბოსტო, ღორის ღვიძლი, გოგრა და სხვ.

რკინა

ორგანიზმში ქსოვილებს აწვდის ჟანგბადს, წარმოქმნის სისხლის წითელ უჯრედებს, გავლენას ახდენს ჰემოგლობინსა და იმუნიტეტზე. გარდა ამისა, საჭირო რაოდენობის რკინა ორგანიზმში ფარისებრი ჯირკვლის, ტვინისა და სხვადასხვა ორგანოთა გამართულ მუშაობას უწყობს ხელს.

წყარო: ლობიო, ღვიძლი, ხამანწკა, ისპანახი.


მაგნიუმი

ორგანიზმში მიმდინარე 360-ზე მეტ მნიშვნელოვან პროცესში იღებს მონაწილეობას. ყველა ორგანოს მნიშვნელოვანი ელემენტია, მის საჭიროებას კი განსაკუთრებით გული, კუნთები და თირკმელები ითხოვს.

წყარო: მარცვლეული; კაკალი; ახალი ხილი და გამხმარი ხილი; მწვანილი; თევზი.


თუ მოგეწონა სტატია გააზიარე :)

83 views

© 2019 by VISION AI

All rights reserved

  • White Facebook Icon

    599 699 997